Savat

Savat

17 avgust 2023-yildagi
Foydalanuvchi shartnomasiga
1-sonli Ilova


MAXFIYLIK SIYOSOSATI VA SHAXSIY MA’LUMOTLARNI HIMOYA QILISH

1. UMUMIY QOIDALAR

1.1.
Ushbu Maxfiylik siyosati (keyingi o’rinlarda – Siyosat) ZOOD Servisidan foydalanish jarayonida, va/yoki ZOOD EKOTIZIMI doirasida boshqa xizmatlar va/yoki Servislar va/yoki mahsulotlardan foydalanish davomida Operator Mijoz haqida oladigan barcha ma’lumotlarga nisbatan qo’llaniladi.
1.2.
ZOOD Servisining xizmatlaridan, yoki ZOOD EKOTIZIMI doirasidagi boshqa xizmatlar va/yoki Servislar va/yoki mahsulotlardan foydalanish Mijozning ushbu Siyosatga va unda ko’rsatilgan Mijoz haqidagi ma’lumotlarni qayta ishlash shartlariga so’zsiz roziligini bildiradi. Ushbu shartlarga rozi bo’lmagan holda, Mijoz ZOOD Servisidan, yoki ZOOD EKOTIZIMI doirasidagi boshqa xizmatlardan va/yoki Servislardan, va/yoki mahsulotlardan foydalanishdan bosh tortishi kerak.
1.3.
Operator Foydalanuvchi shartnomasiga muvofiq bir tomonlama tartibda ushbu Siyosatga o’zgartirishlar kiritish huquqiga ega bo’ladi.

2. OPERATOR TOMONIDAN QABUL QILINGAN VA QAYTA ISHLANADIGAN MIJOZLAR HAQIDAGI MA’LUMOT

2.1.
Ushbu Foydalanuvchi shartnomasi doirasida Mijozlarga xizmatlar ko’rsatish maqsadida Operator quyidagi ma’lumotlarni oladi va qayta ishlaydi:
2.1.1.
Undan ZOOD Servisiga kirish mumkin bo’lgan qurilmadan avtomatik ravishda olingan ZOOD Servisi bilan o’zaro ta’sirning barcha bosqichlari haqidagi ma’lumot, shu jumladan, lekin bular bilan cheklanmagan holda:
a.
Qurilmaning manzillar kitobidan olingan telefon raqamlari to’g’risidagi ma’lumot (Mijozning pul o’tkazmalari operatsiyalarini amalga oshirish, ushbu operatsiyalarni hisobga olish va boshqalarni. osonlashtirish uchun foydalaniladi).
b.
Mijoz qurilmasining joylashuvi to’g’risidagi ma’lumot (uyali aloqa operatorining tarmog’i ma’lumotlari va GPS signallari asosida, u Mijoz uchun mavjud bo’lgan va joylashuvi bilan belgilangan qo’shimcha xizmatlar haqida xabar berish uchun, va uning joylashgan joyiga qarab, ilovadan foydalanish bo’yicha tahliliy ma’lumotlarni yig’ish uchun ishlatiladi)
c.
Kamera yordamida olingan va qurilma xotirasida saqlanadigan fotosuratlar (profilni to’ldirish, identifikatsiyalash, QR-kodlarini o’qish va boshqalar uchun).
d.
Mobil qurilma modeli, operatsion tizim versiyasi, qurilmanign betakror identifikatorlari, shuningdek, mobil tarmoq ma’lumotlari va mobil telefon raqami kabi Mijozning mobil qurilmasi haqidagi ma’lumotlar.
e.
Amalga oshirilgan operatsiyalar to’g’risidagi ma’lumotlar, masalan, amalga oshirilgan operatsiyalarning joyi, vaqti va miqdori, to’lov usuli turi, undan Tovar sotib olingan Merchant haqidagi ma’lumotlar, shuningdek yuqoridagi operatsiyalarni bajarish bilan bog’liq bo’lgan boshqa ma’lumotlar.
2.1.2.
Mijoz to’g’risidagi ma’lumotlar Operator yoki tegishli hamkorlar tomonidan Mijozlarga xizmatlar ko’rsatish maqsadida, Operator tomonidan Hamkorlar bilan tuzilgan shartnomalar doirasida olingan, shu jumladan, lekin bular bilan cheklanmagan holda, Kredit ma’lumotlari.
2.1.3.
Mijoz bilan telefon, interaktiv ovozli xabar almashish tizimlari (IVR va shunga o'xshash tizimlar) yoki telefon orqali xabar berish markazlari xizmatlari (aloqa yoki qo'ng'iroq markazlari) orqali mijoz bilan aloqa qilish vaqtida mijozdan olingan ma'lumotlar.
2.2.
Operator tomonidan beriladigan har qanday Servisdan foydalangan holda, Mijoz Operator ma’lumotlardan avtomatlashtirilgan tizimlar tomonidan keyinchalik qayta ishlash uchun foydalanishi mumkinligiga, va Mijozlarga xizmatlar ko’rsatish uchun ularni olishi va Operatorning kontragentlariga va Hamkorlariga topshirishi mumkinligiga rozi bo’ladi.
Ushbu ma’lumotni qabul qilgan holda, Operator ushbu ma’lumotlar qonuniy ravishda olinganligidan va uning Operatorga topshirilishi Mijozning ruxsati bilan amalga oshirilganligidan kelib chiqadi.
2.3.
Operator ushbu Siyosatga muvofiq Mijozning olingan ma’lumotlariga kirish huquqiga ega bo’lgan har qanday uchinchi tomon (kontragentlar va hamkorlar) ushbu Siyosat shartlariga so’zsiz rioya qilishini va ushbu Siyosatga muvofiq ma’lumotlarni himoya qilishini kafolatlaydi.
2.4.
Mijoz begona resurslardan foydalanganda, Operator hamma uchun ochiq bo’lgan ma’lumotlarni olishi mumkin.
2.5.
Operator Mijozning muomalaga layoqatliligini tekshira olmaydi, shuningdek, Mijoz tomonidan taqdim etilgan ma’lumotlarni tekshirmaydi. Operator Mijozning o’zi haqida yetarli, ishonchli va dolzarb ma’lumotlarni taqdim etganligidan kelib chiqadi.

3. MIJOZLARNING SHAXSIY MA’LUMOTLARINI TO’PLASH VA QAYTA ISHLASH MAQSADLARI

3.1.
Operator, qonunchilikda ma’lum shaxsiy ma’lumotlarni majburiy olish va saqlash ko’zda tutilgan hollardan tashqari, faqat ZOOD EKOTIZIMI doirasida Servislarni taqdim etish yoki Mijoz bilan boshqa shartnomalarni bajarish uchun zarur bo’lgan shaxsiy ma’lumotlarni yig’adi va saqlaydi. Shaxsiy ma’lumotlarni saqlash, agar bunday shaxsiy ma’lumotlarni saqlash muddati O’zbekiston Respublikasining qonunchiligida yoki ushbu Siyosatda belgilanmagan bo’lsa, qayta ishlash maqsadlarida buning talab qilinganidan ortiq bo’lmagan holda amalga oshiriladi.
3.2.
Mijozning shaxsiy ma’lumotlaridan quyidagi maqsadlarda foydalanish mumkin:
3.2.1.
Operator bilan tuzilgan shartnomalarni, shuningdek, kontragentlar va Operatorning hamkorlari bilan tuzilgan shartnomalarni bajarish, shu jumladan identifikatsiyalash/soddalashtirilgan identifikatsiyalash, E-KYC, Operator skoringi, Bank skoringi jarayonlarini o’tkazish, hamda Mijozga ZOOD EKOTIZIMI doirasidagi barcha mavjud xizmatlardan foydalanish imkoniyatini taqdim etish;
3.2.2.
Mijoz bilan aloqa qilish, Mijozdan kiruvchi so’rovlarni qayta ishlash, shu jumladan bunday so’rovlarni va arizalarni Operatorning Hamkorlariga bajarish uchun keyingi topshirish;
3.2.3.
Qoidalarga hamda ularga muvofiq Operatorga va/yoki uning tegishli Hamkoriga tegishli vakolatlar va majburiyatlar yuklatilishi mumkin bo’lgan boshqa qonun hujjatlariga va me’yoriy hujjatlarga muvofiq holda Mijozlarni identifikatsiyalash;
3.2.4.
Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg’in qurollarini tarqatishni moliyalashtirishga qarshi kurashish bo’yicha chora-tadbirlar ko’rish, shu jumladan, Mijozni tegishli ravishda tekshirishni va identifikatsiyalashni o’tkazish;
3.2.5.
ZOOD Servisidan foydalanib qonunchilik va ushbu Siyosat talablariga zid bo’lgan harakatlarni amalga oshirishga ko’maklashadigan sharoitlarni aniqlash va (yoki) ularning oldini olish;
3.2.6.
ZOOD EKOTIZIMI doirasida Mijozlarga shaxsiylashtirilgan xizmatlarni taklif qilish;
3.2.7.
Shaxssizlashtirilgan ma’lumotlar asosida statistik va boshqa turdagi tadqiqotlarni o’tkazish;
3.2.8.
Mijozlar uchun marketing aksiyalarini o’tkazish, shu jumladan Operator tomonidan Merchantlar va/yoki boshqa Hamkorlar bilan birgalikda boshlagan aktsiyalarda ishtirok etish haqidagi takliflarni tarqatish va tegishli aksiyada ko’zda tutilgan sovrinlarni/mukofotlarni olish maqsadida o’tkazish;
3.2.9.
Reklama-axborot materiallarini tarqatish, shu jumladan reklama materiallarini va Mijozlar e’tiboriga yetkaziladigan boshqa ma’lumotlarni maqsadli tarqatish;
3.2.10.
Operatorning Servislari sifatini, ulardan foydalanish qulayligini oshirish, yangi Servislarni ishlab chiqish.
3.2.11.
Muddati o'tgan qarzdorlik holatida mijozning majburiyatlarini bajarishni ta'minlash.

4. SHAXSIY MA’LUMOTLARNI QAYTA ISHLASH, SAQLASH VA TOPSHIRISH TARTIBI VA SHARTLARI

4.1.
Operator Mijozning ma’lumotlarini ruxsatsiz yoki tasodifiy kirishdan, yo’q qilishdan, o’zgartirishdan, bloklashdan, nusxa olishdan, tarqatishdan, shuningdek uchinchi shaxslarning u bilan bo’lgan boshqa noqonuniy harakatlaridan himoya qilish uchun zarur va yetarli bo’lgan tashkiliy va texnik choralarni ko’radi.
Xususan, Operator doimiy ravishda mulkni o’g’irlash, fishing va boshqa turdagi firibgarlik maqsadlarida Operator tizimlariga ruxsatsiz kirishga qarshi kurashish uchun ma’lumotlarni yig’ish, saqlash va ularni qayta ishlash usullarini, shu jumladan jismoniy xavfsizlik choralarini takomillashtirib boradi. Operator shuningdek xodimlar, pudratchilar va agentlarning Mijozlar ma’lumotlariga kirishini cheklaydi, hamda ularning buzilishi uchun sanktsiyalar va jarimalar ko’zda tutilgan maxfiylikni saqlash sohasidagi qat’iy shartnoma majburiyatlarini ko’zda tutadi.
4.2.
Operator quyidagi hollarda Mijozning shaxsiy ma’lumotlarini uchinchi shaxslarga o’tkazish (shu jumladan transchegaraviy ma’lumotlarni topshirish) huquqiga ega bo’ladi:
4.2.1.
Ushbu o’tkazish Mijozga ZOOD EKOTIZIMI doirasidagi xizmatlarni, Servislarni, hamda Operatorning hamkorlari va kontragentlari xizmatlarini taqdim etish uchun zarur bo’ladi.
4.2.2.
Birgalikdagi loyihalar doirasida Operatorning Hamkorlariga, shu jumladan affillangan shaxslariga ma’lumotlarni topshirish;
4.2.3.
Ma’lumotni uchinchi shaxslarga topshirish Operator tomonidan ushbu Mijoz bilan tuzilgan bitimni yoki shartnomani tegishlicha bajarish uchun zarur bo’ladi;
4.2.4.
Operatorning xizmatlarini va Servislarini qo’llab-quvvatlashni amalga oshiruvchi uchinchi shaxslarga bunday texnik yordamni amalga oshirish uchun zarur bo’lgan hajmida ma’lumotlarni topshirish;
4.2.5.
Topshirish O’zbekiston Respublikasining qonunchiligida ko’zda tutilganda;
4.2.6.
Topshirish biznesni (to’liq yoki qisman) sotish yoki boshqacha topshirish doirasida amalga oshiriladi, shu bilan birga ushbu Siyosat shartlariga rioya qilish bo’yicha barcha majburiyatlar oluvchiga o’tadi;
4.2.7.
Operatorda Mijoz qo’llanuvchi qonunchilik talablarini buzgan deb hisoblash uchun yetarli asoslar mavjud bo’lgan hollarda, Operatorning yoki uchinchi shaxslarning huquqlarini va qonuniy manfaatlarini himoya qilish imkoniyatini ta’minlash maqsadida;
4.2.8.
Ma’lumotlar umumiy foydalanish mumkin bo’lgan manbalardan olingan holda.
4.3.
Uchinchi shaxslar ushbu Siyosat shartlariga rioya qilish majburiyatini o’z zimmasiga oladi.
4.4.
Operator tegishli ma’lumotlarga ishlov berilgandan so’ng, Mijozning shaxsini aniqlash imkonini beruvchi ma’lumotlar olib tashlanishi (ma’lumotni shaxssizlashtirish) natijasida, shuningdek, ushbu ma’lumotni statistik qayta ishlashdan keyin uchinchi shaxslarga hech qanday cheklovlarsiz Mijoz to’g’risidagi ma’lumotlarni tarqatish va/yoki ularga kirish huquqini berishga haqli bo’ladi.
4.5.
Operator Mijoz to’g’risidagi ma’lumotdan o’z auditoriyasining qiziqishlari va afzalliklarini tahlil qilish, yuqoridagi tahlilni o’tkazish natijalariga ko’ra Operator xizmatlarini moslashtirish, shuningdek maqsadli auditoriyaga ko’rsatish uchun zarur bo’lgan darajada Internetda reklama qilish uchun foydalanish huquqiga ega.

5. MIJOZNING HUQUQLARI VA MAJBURIYATLARI

5.1.
Mijoz quyidagi huquqlarga ega:
5.1.1.
Operatorda, shuningdek, uchinchi tomonda o’zining shaxsiy ma’lumotlari va ularning tarkibi mavjudligidan xabardor bo’lish;
5.1.2.
so’rov bo’yicha Operatordan shaxsiy ma’lumotlarni qayta ishlash to’g’risidagi ma’lumotni olish;
5.1.3.
Operatordan shaxsiy ma’lumotlariga kirish huquqini berishning shartlari to’g’risida ma’lumot olish;
5.1.4.
O’z shaxsiy ma’lumotlariga nisbatan huquqlarini va qonuniy manfaatlarini himoya qilish uchun vakolatli davlat organiga yoki sudga murojaat qilish;
5.1.5.
«Shaxsiy ma’lumotlar to’g’risida»gi qonunda boshqacha tartib ko’zda tutilgan hollardan tashqari, o’z shaxsiy ma’lumotlarini qayta ishlashga rozilik berish va bunday rozilikni qaytarib olish;
5.1.6.
Operatorga, shuningdek, uchinchi shaxslarga shaxsiy ma’lumotlarning ochiq manbalarida tarqatilishiga rozilik berish;
5.1.7.
Agar Shaxsiy ma’lumotlar to’liq bo’lmagan, eskirgan, noto’g’ri, noqonuniy ravishda olingan yoki qayta ishlash maqsadlari uchun zarur bo’lmagan bo’lsa, Operatordan o’z shaxsiy ma’lumotlariga ishlov berishni vaqtincha to’xtatishni talab qilish.
5.2.
Mijozning Operator tomonidan qayta ishlanadigan ma’lumotdan foydalanish huquqi Mijozning Operatorga so’rovi bilan tasdiqlanadi. Operator Mijozni identifikatsiyalashda va Mijozning identifikatsiyasi yuzasidan shubha mavjud bo’lganda, Mijozdan Mijozning haqiqiy identifikatsiyasi uchun zarur bo’lgan qo’shimcha ma’lumotlarni so’rashga haqli bo’ladi.
5.3.
Mijoz tomonidan hammaga e’lon qilingan yoki ommaviy manbadan olingan Mijozning ma’lumotlari Mijozga uning so’roviga binoan berilmaydi.
5.4.
Mijozning so’rovini ko’rib chiqish 30 kalendar kun ichida amalga oshiriladi, va bu muddat uni qayta ishlashning murakkabligini hisobga olgan holda uzaytirilishi mumkin.
5.5.
Muomalaga layoqatsiz yoki muomala layoqati cheklangan deb tan olingan sub’ektning shaxsiy ma’lumotlarini tasarruf etishni uning qonuniy vakili amalga oshiradi.
5.6.
O’zbekiston Respublikasining konstitutsiyaviy tuzumi asoslarini himoya qilish, O’zbekiston Respublikasi fuqarolarining ma’naviyati, sog’lig’i, huquqlari va qonuniy manfaatlarini himoya qilish, mamlakat mudofaasini va davlat xavfsizligini ta’minlash maqsadida o’z shaxsiy ma’lumotlarini taqdim etish sub’ektning majburiyati hisoblanadi.

6. MA’LUMOTLARNI O’ZGARTIRISH VA YO’Q QILISH

6.1.
Shaxsiy ma’lumotlarni qayta ishlashga berilgan rozilikni qaytarib olish Mijoz tomonidan Mijozni identifikatsiyalash uchun shaxsiy ma’lumotlarni ko’rsatgan holda, uz@zoodmall.uz elektron pochtasi orqali shaxsiy ma’lumotlarni yo’q qilish to’g’risidagi yozma so’rovni yuborish orqali amalga oshiriladi.
Bu holatda, shaxsiy ma’lumotlarini qayta ishlashga roziligi bekor qilinganligi sababli, Mijozni identifikatsiyalash mumkin bo’lmaganligi sababli, ZOOD EKOTIZIMI doirasidagi Servislardan foydalanish imkoni cheklanishi mumkin.
Shu bilan birga, agar mijozning muddati o'tgan va/yoki joriy qarzi bo'lsa, ZOOD texnologiyasi yechimi va ZoodPay to'lov yechimi Operator tomonidan belgilangan cheklangan funksionallik doirasida mijoz uchun mavjud bo'lib qoladi va barcha tegishli Shaxsiy ma'lumotlar talab qilinishi bilan mijoz so'zsiz rozi bo'ladiki. Operator, bunday muddati o'tgan / muddati o'tgan qarzlar bilan bog'liq majburiyatlarning bajarilishini ta'minlash uchun, Mijozning joriy / muddati o'tgan qarzlarini to'lash bo'yicha oxirgi majburiyat bajarilgunga qadar Operatorning ixtiyorida qoladi (va u tomonidan qayta ishlanishi mumkin).
Mijozning shaxsiy ma’lumotlarini yo’q qilish haqidagi talabini bajarishdan keyin, Operator Mijozning shaxsiy ma’lumotlarini shaxssizlashtirishni amalga oshiradi. Bunda, Mijoz ba’zi ma’lumotlar O’zbekiston Respublikasining qonunchiligida belgilangan muddatlar doirasida Operator tomonidan saqlanishi mumkinligiga rozi bo’ladi.
6.2.
Shaxsiy ma’lumotlarni yo’q qilish so’rov qilingan holda, quyidagi qoidalar qo’llaniladi:
6.2.1.
Operator Operatorning shaxsiy ma’lumotlarini Operator biznesining qonuniy manfaatlari doirasida, shu jumladan firibgarlikka qarshi kurashish va xavfsizlikni yaxshilash maqsadida qisman saqlashga haqli bo’ladi.
6.2.2.
Operator Mijozning shaxsiy ma’lumotlarini qonunchilik talablarini bajarish uchun zarur bo’lgan hajmida saqlash va ishlatish huquqiga ega bo’ladi;
6.2.3.
Mijoz boshqa shaxslarga topshirgan ma’lumotlar (masalan, sharhlar, forumdagi yozuvlar) ushbu Mijoz haqidagi ma’lumotlar yo’q qilinganidan keyin ham hamma uchun ochiq bo’lib qolishi mumkin, bunda ushbu Mijozning muallifligini ko’rsatadigan jihatlar yo’q qilinadi. Mijoz ma’lumotlarining ayrim nusxalari Operatorning axborot bazasida shaxsiy identifikatsiyalashning biror-bir imkoniyati bo’lmagan holda saqlanishi mumkin;
6.2.4.
ma’lumotlarning tasodifiy yoki qasddan shikastlanishidan yoki yo’qolishidan himoya qilish tizimini joriy etish munosabati bilan, Operatorning shaxsiy ma’lumotlarining zaxira nusxalari ma’lum kechikish bilan yo’q qilinadi.